معروف أنا حب ❤️الأم لأولادها هو أعظم حب في الكون👌لكن للأسف كينين شي أمهات كيكونوا هما السبب في التعاسة ديال أولادهم 😔خير مثال هي هذه القصة لي غنحكي ليكم 👌
القصة ديالنا غنحكيها ليكم بلسان مريم لي كتقول:
أنا سميتي مريم أنا الصغيرة فدار عند جوج خوت دراري ياسين ورشيد الأب ديالي محمد صباغ الأم ديالي سعاد خياطة 🧵
الأم ديالي كانت مسيطرة على بابا حيت بابا مسكين كان مريض بالسكري 😔وحتى الخدمة ديالو كانت ممدوماش والأم ديالي هي لي كتصرف 💵وهازة المسؤولية ديال 🏠 وحتى الدار لي سكنين فيها ديال ماما 🧑 ورتاتها على جدي 👴.أنا ماما مكنتش كتحملني معرفتش علاش ديما كتعيرني وكتنقص مني بزاف😰 ديما كتقول ليا أنا مكنتش بغيت بنت 🧒 حيت البنات فيهم غير المشاكل وكيجيبو غير الدل 😔 عكس الأب ديالي كان كيبغيني بزاف❤️معمرو جرحني بالعكس 🔄 كيواسيني وكيقول ليا ماماك متديش عليها راه مكتعرفش تهضر😔ماما كانت كتبغي خوتي والحاجة المزيانة كتعطيها ليهم مع المدة ربات فخوتي داك الحقد ولاو خوتي حتى هوما مكيحملونيش وكيضربوني ملي كيدافع عليا بابا كتنوض ليه ماما كتشبعو سبان ومعيار 😔مكيقدر إقول ليها والوا مسكين😰
العام لي طلعت للإعدادي بابا مسكين مات الله يرحموا😰أنا أكتر وحدة حزنت عليه بالنسبة لماما ملي كيجيو الناس إعزوها كتبقا تبكي غير كبمشيو الناس كتعيش حياتها عادي 😳عرفتها مكتبغيهش😔 واحد نهار لقاتني شادة تصويرة بابا وكنبكي 😰حيداتها ليا وقالت ليا نوضي بغيتك تبعيه نشالله😰😳داك العام خرجاتني من القراية 😳قالت ليا نتي معندك مديري بالقراية واحد نهار تزوجي ونتهنا منك😰وخوتي بقاو كيقراو .مهم بقيت غير فدار كنشقى وماما ديما الضرب والمعيور والعنف الجسدي واللفظي 😔حتى لحقت لعمر 17سنة واحد نهار جاء واحد السيد إخطبني من عند ماما أنا مكنعرفوش كانت سميتو سعيد وفعمروا 26سنة قال خدام تاجر مهم ماما كيما قلت ليكم بغات غير تفك مني 😔مسولاتنيش حتى واش بغيتو تفقات معاه جاب ولديه قالت ليهم ماما أنا معنديش باش ندير العرس😰قاليها حتى هو بلي معندو ميدير بالعرس مهم خطبني ماما هي لي تفقات معاه على الصداق وعلى كلشي أنا بحال شي سلعة كتبيع فيها ماما😔السيد قال ليها بغيت نهضر مع البنت قالت ليه البنت موافقة قال ليها خا هكاك أنا بغيت نهضر معاها👌جات عندي ماما قالت ليا سيري الراجل بغى إهضر معاك راه إلى حشمتيني غنجمع ليك حوايجك ونخرجك للزنقة😡عطاتو ماما نمرتها صونا ليها قال ليها دوزي ليا مريم باش ندير معاه فين غنتشاوفو عطاتني الهاتف📞دار معايا فواحد القهوة تلقينا دوينا سواني واش كنعرف شي وحد واش قابلة نتزوج بيه ⁉️قلت ليه موافقة قال ليا مغديش تخصك معايا حتى حاجة غنديرك فوق راسي ❤️صراحة عجبني ☺️وعجباتني هضرتو فكرني فبابا حيت ملي مات بابا معمري سمعت شي حد يقول ليا شي هضرة زوينة 😔مهم مشينا نهار الإثنين درنا العقد جبد فلوس 💵 الصداق عطاهم ليا كان عطاني مليون☺️غير خرجنا من عند العدول هداتهم ليا ماما 😳جمعت حوايجي وجيت لدار رجلي ماما مقلتش ليا حتى شي هضرة زوين بالعكس 🔄 قالت ليا تبتي راه والله منعقل عليك😡👌
راجلي سولني علاش مكتجيش تسول فيك ماماك قلت ليه الحقيقة كاملة وقلت ليه بلي حتى فلوس الصداق هيا لي داتهم بقى غير كيتعجب ⁉️😳قال ليا مدريش فبالك أنا معاك نعوضك فكلشي ❤️رجلي كان ونعمة الرجال مهلي فيا معمرو قلقني كنا عيشين بخير عوضني من كاع الحرمان لي عشتو ❤️لقت فيه راجل بابا خويا كلشي👌❤️
ماما وخوتي معمرهم سولو فيا راجلي قال ليا نسايهم عليك هدو بزاف عليهم إكونو عائلة 😏دوزت مع رجلي عام ديال زواج واحد نهار قال ليا مريم بغيت نقولك واحد الحاجة مهمة خبيتها عليك 😳نتي قلتي ليا كلشي مخبيتي عليا والو حتى أنا بغيت نقولك واحد الحقيقة قبل ميقولها ليك شي حد آخر ونتسمى كداب قلت ليه كنسمعك قول ⁉️قال ليا أنا مشي كنبيع وكنشري فالطوموبيلات كيما قلت ليك فالأول😳 أنا كنبيع المخدرات😱ولكن متخفي حتى حاجة معمري غدي نتشد راه سنين هذي كنبيع معمري تشديت كنواعدك معمر شي حاجة خايبة غتجيك من جهتي 👌أنا تصدمت بغيت نقول ليه طلقني ولكن تفكرت ماما شنو قالت ليا وعرفت راسي معندي فين نمشي 😰وصراحة وليت كنبغيه وصعيب عليا نفارق معاه❤️عتبتو وطلبت منو إحبس من دكشي وقال ليا كنواعدك غنحبس ولكن مشي دابا صبري معايا ومتخفيش تيقي فيا 😔
مهم راجلي مهلي فيا بزاف العام الثاني لقيت راسي 🤰🏻 ديك الفترة ديال الحمل كانت أحسن فترة دوزتها فحياتي متصوروش شحال مهتم بيا ومهلي فيا ❤️لي بغيتها كيجيبها ليا صراحه كآن ونعم الزوج ملي تزاد عندي ولد فرح بزاف وطلبتو نسميوه محمد على الإسم ديال بابا 🧓 سميناه محمد👌وراجل غير متزاد الحب ديالو والإهتمام عايشة معاه في سعادة 🥰 أنا ولدي
بقينا على هذا الحال حتى دار ولدي 5سنين واحد نهار مع ليل 🌙 كنسمعو الدقان بجهد فالباب كنت غير أنا وولدي تخلعت😳حليت الباب لقيت البوليس 👮♂️دخلو بداو كيقلبو الدار 🏠 قلت ليهم شنو واقع قاليا واحد الشاف ديالهم راجل راه عندنا إلى بغيتي ديري ليه شي محامي 😰مشاو عرفت بلي راجلي شدوه هدشي لي كنت ديما خيفة منوا خليت ولدي عند الجارة ديالي ومشيت لمقر الشرطة 👮 قالو ليا بلي راجلي متهم بالتجاره فالمخدرات والنصب والتزوير وتبييض الأموال 😱😱 دارهم دارو ليه محامي تقدم امام وكيل الملك الجلسة الأولى حكمو عليه ب18سنة سجن نافدة😱😰😱سمعت الحكم سخفت فالمحكمة 😰😳 داوني للمستشفى فقت ملقيت حد حدايا خرجت مشيت لداري عند ولدي بقيت كنفكر شنو ندير ⁉️معندي حتى لمن نشكي مشيت عند ماما 🧑 حكيت ليها كلشي قالت ليا بكل برودة إوا طريق الحرام هي هذي مشيت فحالي .تفكرت عمي حسن مشيت عندو لقيت غير مراتو دخلاتني قالت ليا غبرتي فين كنتي هما مكانش فراسهم بلي تزوجت حيث ملي مات بابا تقطعت العلاقه بينهم وبين ماما 🧑 قلت ليها كلشي أنا مزال كنعاود ليها هاهو عمي دخل عنقني قال ليا الله يا بنتي حشومة عليك شمن عار درت فيك معمرك سولتي فيا😔⁉️ قلت ليه كاع لي وقع ليا بقيت فيه بزاف قال ليا غدا 18سنة أبنتي قاصحة عليك تبقاي تسنايه هو إلى كان كيفهم خاصو إطلقك 😰عمي قال ليا غذا سيري عندو زوريه فالحبس شوفي شنو غيقول ليك⁉️الغد مشيت عندو غير شفني قال ليا سمحي ليا بزاف وصلتك لهذه البلاصة 🙏قلت ليه واش مكينش شي حل زعما إنقصو ليك⁉️قال ليا لا والو هدشي لي عطا الله😰قال ليا أنا راه المحامي غيعطيك واحد البركة باش تكوني براسك وبولدي وغدي نطلقك😱😰بقيت كنبكي وكيبكي قال ليا عافاك طلياي ليا فولدي ونوصيك معمرك تجيبيه ايا للحبس إلى طول الله العمر وخرجت نشوفو إلى مت قولي ليه إسمح ليا 😰باس ليا على راسي ومشا دخل 😰بقيت كنبكي ركبيا فشلو عليا 😱مشيت لدار رجلي باش نجمع حويجي ونشوف فين غنعطي الراس لقيت المحامي كيتسناني عطاني واحد الأمانة 💵دخلت كنجمع حوايجي وكنفكر شنو نذير فين غنمشي منين غدي نبدأ شويا سمعت تلفوني كيصوني لقيتو عمي وريتو عنوان الدار جاء عندي حكيت ليه كلشي قال ليا أنت وولدك غتعيشو معاية حتى نموت ولا إسهل عليك الله بشي راجل متفكري فحتى حاجة 👌😔فالأول مبغيتش ولكن مخلنيش مشيت معاه أنا وولدي .بالنسبة لعمي مكنوش عندو الأولاد مراتو فرحات بيا بزاف لقيت فيهم الخير لي ملقيتوش فماما وخوتي😰بقيت كنصرف دوك الفلوس واخا عمي كان رافض هدشي تماما ديما كيقول ليا خبي فلوسك 👌
بقيت مع عمي عامين تقريبا معمري شفت منو شي عيب واحد نهاغقلت ليه غنخرج نخدم قال ليا آخر مرة نسمع هذه الهضرة 👌😡أنا قاد بيكم معنديش البنات لي كيخدمو ملي أنا مشي راجل⁉️عمي كان راجل ديال بصح
هنا فين قلت لعمي راه عندي شي فلوس 💵 عطاهم ليا سعيد بات ولدي دير ليا بيهم شي مشروع نتعاونو بيه قال ليا شحال عندك قلت ليه 6دلمليون قال ليا غنفتح ليك صالون فهاذ الكراج لي عندي لتحت قلت ليه أنا مكنفهمش فالحلاقة قال ليا خدمي البنات نتي غير تخلصي 👌فرحت بزاف 🥰بالفعل عمي عندو كلمة وحدة فتح ليا الصالون وبقيت خدامة وليت مرتاحة معاونة مع عمي فمصروف 💵الدار 🏠🙏جاوني بزاف ذيال عروض الزواج ولكن مبغيتش أولا مبغيتش ندخل شي راجل على ولدي ثانيا معندي منعطي لهذا الراجل حيث أنا مزال كنبغي سعيد❤️ بابات ولدي معمري نسيتو ومعمري غنفكر فزواج 😔
ولدي كبر شد البكالوريا ديالو درنا حفلة 🎈 وفرحنا بزاف 🎈🥰واحد نهار قال ليا ولدي راه كاين كونكور ديال إدارة السجون غذي ندفع ليه😳عرفت بلي ولدي آختار هذه المهنة غير باش إشوف باباه 😰حيث ولدي شرحت ليه كلشي مخبيت عليه والو شحال من مرة قال ليا نمشي نشوفوا قلت ليه باباك مبغاكش تجي لديك البلاصة 😔قلت ليه شوف شي مهنة أخرى قال ليا لا 🙅 بغيت هده المهنة مبغيتش نقلقو قلت ليه دير لي نتا مرتاح فيه أولدي👌 بالفعل دفع وتقبل وعينوه فنفس المدينة لي هيا أكادير 🙏ملي خدم آكتشف أن باباه صيفطوه لمدينة القنيطرة😔جاء واحد الليلة قال ليا واش كان فراسك بلي بابا حولوه قلت لا غأولدي مفراسي تقلق وخا مبغاش إبين ليا😡
مهم ولدي خدام الحمدلله الفضل كلو كيرجع لعمي ☝🏻🙏واحد النهار أنا فدار مع خديجة مراة عمي كنسمعو الدقان ✊طلات مراة عمي شوية جات قالت ليا واحد الراجل كيسول فيك قلت ليها فيا أنا⁉️😳شكون قالت ليا معرفتوش سولتو قال ليا غير كلمي ليا مربم هيا كتعرفني🤔مشيت نشوف كانت الصدمة وفرحة تخلط ليا كلشي لقيت سعيد راجلي السابق جات عيني 👁️فعينيه تخربقت معرفت منقول شاف فيا وآبتسم وقال ايا كدايرة لباس معمرك سولتي فيا قلت ليه على سلامتك كفاش غدي نسول فيك ونتا طلقتيني ⁉️قال كداير ولدي قلت ليه لباس عليه قال ليا وش تزوجتي ⁉️قلت ليه لا مقدرتش ندخل شي راجل على ولدي آبتسم ☺️وقال ليا شنو ميدير ولذي فحياتو قلت ليه ولدك آختار مهنة إدارة السجون غير على قبلك غير باش إشوفك غير سمع هذه الهضرة عينيه دمعو😰 وقال ليا عافك قيدي ليا نمرتك 📞قلت ليه علاش قال راه بناتنا ولد 👦 خاصنا نهدرو ولا لا قيت ليه نمرتي فورقة وآعطيتها ليه مشا فحالو منكدبش عليكم وخا كبر وراسو شاب غير شفتو رديت كل الدكريات داك الحب والحنان والإهتمام والهضرة لي كان كيقول ليا❤️قالت ليا مرات عمي واش راجل السابق قلت ليها آه هو 👌دازت شي 3ساعات صونا ليا جاوبت ومنكدبش عليكم وليت بحال شي مراهقة فرحت فاش سمعت صوتوا ❤️☺️بقينا كنهضرو وقال ليا بغيت نشوف ولدي قلت ليه دابا فالخدمة مع 4غيجي ونقولها ليه .جاء ولدي قلت ليه عندي ليك واحد الخبر غيفرحك قال ايا شنو هو قلت ليه باباك خرج من الحبس وجاء كيسول فيك فرح 🥹 ولدي بزاف كان موالف كيجي من الخدمة وكينعس داك نهار قال صوني ليه بغيت نشوفو دلبا☝🏻صونيت ليه قلت ليه أجي لدار ولدك محمد بغا إشوفك 👁️
جاء تلقاو تعانقوا وبقاو كيبكيو 😰لمدة طويلة أنا فرحت 🥰فاش شفتهم معانقين معمري تصورت أنهم شي نهار غيتلاقاو حيت سعيد خرج فالعفو الملكي ☝🏻أما راه كون باقي فالحبس😰 الحمدلله ولدي رتاح من جهت باباه سعيد عيط ليا واحد نهار وقال بغيت نشوفك ضروري مشت تلقينا فواحد القهوة 🍵بقينا كنهضروا شويا قال ليا أنا مزال كنبغيك ❤️معمري نسيتك 😍أحسن أيامي دوزتهم معاك أنا بغيت نجمعو الشمل أنا رني تبت وبرزقي حلال راني فهاد المدة السجنية حفظت القران 🙏الحمدلله ☝🏻حاجة وحدة لي بغيت هيا لي بقا فحياتي نكملو معاك❤️قال ليا راه قلتها لولدي وقال ليا غنكون فرحان إلا رجعتوا لبعضياتكم 🙏معرفت منقول لداخل ديالي فرحان بزاف ومكرهتش نغوت ونقول ليه حتى أنا كنموت عليك ❤️ومعمري نسيتك ولكن مقدرتش 😔قلت ليه نفكر ونتشاور مع ولدي ونرد عليك قال ليا أنا مستعد نتسناك🙏
قلتها لعمي قال ليا إلى بصاح تاب وناوي إبدى حيات جديدة ☝🏻مفيها باس تجمعو الشمل ولدي حتى هو قال ليا نفس الهضرة 👌أنا بالفرحات عليا صونيت ليه قلت ليه صافي قابلة❤️❤️❤️
الحمدلله أنا دابا مع ولدي وراجلي فدار وحدة ❤️الفضل كلو كيرجع لعمي 🙏ماما أخوتي معمرهم سولو فيا 😰الله كبير ☝🏻وخا دوزت معاناة كثيرة الله منسنيش الحمدالله 🙏راجلي متبدلات فيه حتى حاجة باقي نفس الشخص الحب والهضرة الزوينة الإحترام الطهلو ❤️مرتاحة معاه بزاف الحمدلله 😍🥰
عمركم ما تقنطو من الرحمة ديال الله
السلام وعليكم ورحمة الله وبركاته 🫡