في الحياة كنلقاو عراقل وصعوبات 😔خصوصا في طريق النجاح 👌لكن إلى كنت متشبت بالحلم ديالك وعندك تقة كبيرة فالله ☝🏻غدي توصل لكاع دكشي لي بغيتي☺️💪
- غنحكي ليكم هذه القصة بلسان منعم لي قيقول:أنا سميتي منعم بابا سميتو رشيد موظف 🧑💼 فالبنك الام ديال سناء معلمة 👩🏫 فواحد مؤسسة خصوصية
كفاح شاب
أنا كانت الهواية ديالي والأمنية ديالي هي كرة قدم ⚽️ ملي وصلت لسن 8سنين بابا دخلني لواحد النادي ديال كرة القدم ⚽️ أنا مكنوش عندي الخوت أنا الوحيد لي عند وليديا☝🏻كانوا مهلين فيا لي بغيتها كيجيبوها ليا 🥰بقيت متبع الحلم ديالي وحتى قرايتي 👌حتى لواحد الصيف كانت فعمري داك الوقت 10سنوات كنت مع ماما وبابا رجعين من البحر مع ديك 8ديال الليل درنا حادثه سير 😱دربنا واحد الكميو معقلت على والو حليت عيني👁️فالمستشفى فيا غير بعض الجروح الحمدلله 🙏لقيت جداتي الأم ديال ماما وخالي سولتهم على الولدين ديالي ⁉️قالت ليا جدات نتا غير رتاح أولدي والدموع في عينيها 😰تخلعت بزاف 🥹 مهم الغذ فاش خرجت من المستشفى داتني جداتي معاها لدارها سولتها علا الولدين ديالي قالت ليا أولدي معندي منخبي عليك ولديك بغاهم الله الله يرحمهم 😰😱🥹كان أكبر صدمة تلقيتها فحياتي مقدرتش نعيش بلا ولديا😰مهم هذا مكتاب🙏بقيت عايش فدار جداتي معانا خالي مبارك ومراتو صفية وعندهم،حاولت نتقبل الوضع وخا صعيب عليا حيت خرجت من النادي ديال كرة القدم ⚽️ وحتى المدراسة الخصوصية حيت جداتي مفحالهاش غير خالي لي كيصرف 💵تبدلات حياتي رأساً على عقب 😔دخلاتني جداتي لواحد المدرسة عمومية أما الهواية ديالي مشات عليا 🥹جداتي مكتعرفش أشناهيا كورة ⚽️أصلاً بحال كاع الناس القدام مهم بقيت صابر وكورة⚽️ وليت كنلعبها غير في الزنقة مع صحابي واحد نهار واحد صاحبي كان كيلعب مع واحد الفرقة قال ليا يلاه معايا راه إلى شافك المدرب غذي تعجبو 👌مشيت معاه شافني المدرب عجبتو 💪قال ليا جيب عقد الإزدياد وجوج تصاور فرحت بزاف مشيت عند جداتي كدبت عليها قلت ليها راه المدير ديال المدرسة قال ليا جيب ليا عقد الإزدياد وجوج تصاور حيت كن قلت ليها كورة⚽️مغديش تبغي مهم عطاتهم ليا ديك الوقت كان فعمري 12سنة كنقرى فالسادس وليت كنمنك المدرسة وكنمشي لتداريب😔حتى لواحد نهار المدير مخلنيش ندخل قال ليا سير جيب باك ولا مك قلت ليه ماتوا😰قال ليا عند من ساكن قلت له جداتي قال ليا جيبها 👈خرجت وبقيت كندور حتى خرجو الدراري ومشيت لداري 😳فالعشية مشيت للتداريب مقدرتش نقولها لجداتي حيت غتخرجني من الكورة 😔بقيت شي أسبوع تقريبا مكنمشيش للمدرسة 😳واحد نهار كنت مع جداتي فسوق صدفة تلقينا مع المعلمة دالي ديال العربية غير شفتني قالت ليا منعم مالك مبقيتيش كتجي⁉️ قالت ليها جداتي 😱شنو كيفاش مكيجي وهي تقول ليها ولدك ألالة أسبوع هذا مجاش وقبل كان كيغيب بزاف 😱جداتي مبقاتش تقدات ملي سمعات هذه الهضرة جابتني لدار أول مرة جداتي غوتات عليا😡قالت ليا فين كتمشي⁉️😡قلت ليها الصراحة كاملة مشات كتجري شدات حواج ديال الرياضة دارتهم فميكا ولاحتهم في الأزبالأنا بقيت كنبكي 😰وكنطلبها 🙏ولكن والو كانت معصبة 😡 الغذ داتني للمدرسة دخلاتني وعطات الرقم 📱 ديالها للمدير قالت إلى شي نهار غيب عيط ليا🙏قال ليها صافي ألالة👌
أنا مبقتش كنركز في القراية نهائيا عقلي كلوا فكورة داك العام منجحتش 🥹صحابي كلهم نجحوا إلى أنا 😱جداتي غوتات عليا وقالت ليا شفتي كورة شنو دارت ليك👌داك الصيف داز عليا كحل جداتي مخلاتنيش نلعب كورة نهائيا
داز الصيف وجات وقت المدرسة أنا محملتش نرجع للمدرسة خصوصاً صحابي طلعوا للإعدادية😔مهم رجت المدرسه وخا محملهاش🥹واحد نهار أنا راجع من المدرسة كنلقا بزاف ديال الناس قدام دار 🏠 جداتي غير دخلت لقيت خالي ومراتو كيبكيو جداتي صبحات ميتة 🥹😱تلاقيت الصدمة الثانية فحياتي بكيت عليها بزاف جداتي كانت حنينة فيا بحال ماما الله إرحمها 🙏دفنو جداتي ودارو العزو مشاو الناس.بقيت مع خالي ومراتو رجعت للمدرسة وليت كنحس بنقص كبير خالي كيضل خدام مرات خالي مقابلة غير بنتها لي باقة كترضع أنا وليت عايش فديك الدار بحال شي غريب😔واحد نهار جاء خالي داني من المدرسة قلت ليه خالي واش هانية قال ليا هانية راه خرجات لصرونص ديال ولديك وخاصك تمشي معايا باش إعطيونا دوك الفلوس ☺️قلت ليه صافي نمشيو فطريق قلت ليه عافاك أخالي واش دوك تقدر ترجّعني النادي ديال الكورة قال ليا نديك ليه ☺️مهم مشينا سولوني دوك ناس شي أسئلة مهم عطاونا الفلوس كانت 16ديال المليون رجعنا لدار كل نهار كنقول لخالي واش مزال مغدي تديني للنادي ⁉️واحد نهار غوت عليا وقال ليا كورة ⚽️هيا لي خرجات عليك ديها فقرايتك😡👈
داز داك العام نجحت 🥰طلعت للإعدادي☺️مرات خالي مبقاتش كتحملني معرفتش علاش كتقول شي هضرة خيبة بزاف كتقول نتا منحوس نتا لي قتلتي ولديك 😱ولات كضربني وكتعيرني بزاف بدون سبب🥹واحد نهار خالي جاء من الخدمة أنا فبيتي كنحفض شويا دخل عليا وقال ليا هذا هو خيري أولد الحرام بدا كيسرفق😱 فيا أنا كنبكي 🥹وكنقول ليه شنو درت ليك أخالي شويا جمع ليا حوايجي فواحد الشكارة وخرجني برا 😡شافو واحد الجار قاليه حشومة شنو دار ليك قاليه خالي إلى بقا فيك دي عندك لدار 😡هاذ ولد الحرام مراتي كتبدل حوايجها وهو كيطل عليها😱أنا بقيت غير كنبكي وكنحلف ليه بلي أما مدرت والو قاليه الجار دري باقي صغير الله إنعل الشيطان 🙏قاليه خالي ديه عندك إلى بقا فيك 😡سد الباب ودخل داك الجار مشا فحالو بقيت بحدي معرفتش فين غدي نمشي🥹دوزت أول ليلة فالزنقة 😱بقيت كندور حتى جاني نعاس ونعست تحت شي دروج ديال واحد العمارة فالصباح فيا الموت ديال الجوع كندور مشيت طلبت 🙏واحد مول القهوة عطاني كليت وبقيت كندور حتى ليل 🌙 ومشيت لتحت دوك الدروج الغذ ثاني نفس الشي بقيت على هذا الحال حتى لواحد نهار بقيت كندور لقيت شي دراري لعبين كورة ⚽️فواحد الملعب مشيت نتفرج فيهم شوية واحد فيهم تدرب فرجليه وهو إقول ليا واحد فيهم واش تلعب قلت ليه أه ولكن معنديش سبرديلة عطاني داك الدري لي تدرب ديالوا لعبت معاهم بقاو غير كيتعجبو 😱مركيت 3كانو خسرين ولاو رابحين 💪سلينا قال ليا واحد فيهم فين ساكن ⁉️باش تبقى تلعب معانا⚽️ قلت ليه أنا بعيد ولكن غير قل ليا إمتى وفين نجي قال ليا غدا مع 5لعبين هنيا كونتر واحد الدراري واعرين عندهم مدرب كيلعبو مع واحد الفرقة معروفة👌قلت ليه صافي جاي ☺️متصوروش فرحتي ملي لعبت كورة ⚽️نسيت القراية نسيت بلي كنبات غير فالزنقة 😔بقيت كنتسنا غير أمتى فتوصل 5⏱️باش نمشي نلعب⚽️مشيت لعبت مركيت 2أهداف واعرين وكنت لاعب غير بالسروال😔سلينا جاء عنذي المدرب ديال هديك الفرقة قال ليا فين ساكن واش مقيد مع شي فرقة قلت ليه لا ممقيد مع حتى فرقة ،قال ليا وش تبغي تلعب معنا فالفرقة 💪قلت ليه أه بغيت ☺️قال ليا باليل جي عندي نتا وباباك للقهوة الفلانية😔 …جيب معاك عقد الإزدياد و4ديال تصاور 😔باش نعطيك الملابس ديال الفرقة⚽️ رجعت وبقيت كنفكر كفاش غندير قلت وقيلا ممكتابش ليا أنا نلعب مع شي نادي😔شوية قلت غنمشي ونحكي ليه كلشي لي بغاها الله هيا لي غتكون☝🏻
بالليل مشيت عندو القهوة قال ليا مالك جيتي بحدك فيناهو باباك ⁉️قلت ليه كاع دكشي لي وقع ليا بقى غير كيشوف فيا😳 قال ليا نتا شحال فعمرك⁉️ قلت ليه 14سنة قال ليا فين ساكن خالك واش عاقل على دارو⁉️ قلت ليه آه عاقل عليها قال ليا يلاه وريها ليا باش نشد عندو الحالة المدنية ونيت نعرفك ياك مكتكدب⁉️مشت معاه عند دار جداتي ✊ خرج خالي غير شفني قال ليا شنو كدير نتا هنايا هذه الدار 🏠 والله لدخلتي ليها قال عزيز المدرب واش نتا مبغيتيش هذا الدري ⁉️قاليه لا معندي مندير بيه 😡قاليه سير جيب ليا الحالة المدنية ديالو الله إحفظك دخل جابها ليه وسد علينا الباب فوجهنا 😳
قال ليا عزيز المدرب أنا غنديك معايا لداري بيما نشوف مع الرئيس شي حل قلت ليه شكراا🙏مسكين داني عند أولادو مراتو رحبات بيا وعطاوني ندوش وكليت وعطاني حويج ولدوا ☺️❤️في الصباح بقّيت ناعس حيت كنت عيان وشحال منعست فالفراش وتغطيت 😔ملي فقت ملقيتش عزيز لقيت غير مراتو عطاتني نفطر وبقات مجمعا معايا وكتسولني لقيتها كتعرف ماما فايت قرات ولدها الكبير فاش عرفاتني ولدها بكات مسكينا 🥹جاء عزيز قال ليا في الصباح غنديك للخيرية تسكن تما وتقرا تما وفي العشية تجي للتداريب👌قلت ليه صافي فرحت بزاف 😍خير عزيز عليا معمري نساه🙏❤️مهم مشيت لديك الخيرية مهلين فيا درت صحاب جداد تما كلشي كان مزيان 👌
كنمشي للتداريب وبقيت مع ديك الفرقة وخا جوني بزاف ديال الفراقي ولكن مبغيتش حيت كون مهذه الفرقة كون راني باقي فالزنقة 🙏بقيت معاهم لسن 17سنة كانت أول فرحة فحياتي الفريق الوطني لأقل من 17سنة كيستدعيوني😍 مشيت للمعسكر في الرباط لعبنا كأس 🏆 إفريقيا مكتابش نديوه ولكن كتاب أنني نبصم سميتي ونولي معروف شوية بالمهارات ديالي مركيت في هذه المسابقة 5 ديال الأهداف هدشي لي خلا العديد من الفرق إبغيو ننضم لصفوف الفريق ديالهم☝🏻واحد الفريق من الدرجة الثانية من هلندا تمكن إتفق مع رئيس الفريق ديالي ومشيت معاهم😍💪متصوروش فرحتي معمري تخيلت راسي فشي فريق أروبي لكن الله كبير ☝🏻حققت مع هذا الفريق عدة ألقاب وكنت دائما رسمي💪 سلا داك العام وتم الإستدعاء ديالي من طرف الفريق الوطني الأول باش نشارك معاهم في بطولة كأس الأمم الأفريقية 🏆 القادمة ☝🏻❤️كان اللعب في المنتخب الوطني حلم الطفولة سلات المسابقة وخا مكتابش نفوزوا بالكأس🏆غير هو فتح ليا أبواب كثيرة من بينهم فرق كبار معروفين هداك العام غذي ننتقل الدوري الإيطالي من الدرجة الأولى😍 وحققت حلمي وليت لاعب محترف☝🏻💪 وبقيت كنشق طريقي بقدرة الله سبحانه ☝🏻
واحد الصيف أنا خارج من الفيلا ديالي كنتفجأ بخالي كيتسناني قدام الباب😳 شفتوا تفكرت الماضي كلوا 🥹قال ليا مبروك عليك أولدي سمحلي 🙏غلط معاك بزاف ديك بنت الحرام هيا السبب 👌قلت ليه شنو لي خلاك تعرفها بلي بنت الحرام ⁉️قال ليا هيا دابا راه فالحبس 😱راه دارت ديك الخطة غير باش تخرجك من الدار وتبقا تدخل العاشق ديلها 😱ولكن الله كبيرقلت ليه المسامحة أخلي كاع دكشي لي وقع ليا فيه الخير ☝🏻عنقتني أنا محقتش عليه هو لي بقا ليا من العائلة مبغيتش نخسرو ❤️
وصلت للحلم ديالي وليت لاعب محترف بقدرة الله ☝🏻تعالى أنا دابا تمنيت كون ماما وبابا معايا 😔ويشوفوني ونشارك معاهم الفرحة ديالي ☝🏻❤️ولكن الحمد الله الفضل من بعد الله كيرجع لعزيز 🙏لي دابا هو مدير الأعمال ديالي كنشكرو بزااااف
تيقوا فالله ☝🏻وبقاو متشبتين بالحلم ديالكم 💪كافح تقاتل 💪وغذي إجي نهار لي غذي تحقق فيه الحلم ديالك بإذن الله تعالى ☝🏻
السلام عليكم 🫡 ورحمة الله وبركاته