قصة حقيقية بالدارجة المغربية
مشي ديما إلا كانو جوج مزوجين و كيبغيو بعضياتهوم ❤️و معندهوم مشكيل كتكون لحياة هادئة يقدر إجي شي واحد من العائلة يجبد ليهوم لمشكيل و يخليهوم واحلين و هدشي لغتحكي ليكم هد بطلة لقصة ديالنا .
أنا فدوة بنت وسط أربعة ديال الخوت 2بنات و2دراري
ولدينا فدارنا الحمد لله كنو مهلين فينا و مخصنا خير ليبغناها كيجيبوها لينا علاشما قدو المهم كنا كلنا كنقراو أنا و ختي و ولدينا واقفين على تربيتنا و التعليم ديالنا ☺️أنا لوحيدة لمكنتش قراية و مكنتش كسولة بين و بين نجحت من الإعدادي طلعت لثانوي و تلاقيت وحد البنت معندهاش مع القراية و ترافقت معاها و تفلست و تكفست فالقراية 😔سقطت فالسنكيام 😔و فالسيزيام و كنت كنغيب بزاف و مبقاتش عندي الرغبة فالقرايا و جلسنا بزوج فديورنا و لكن كنا كنتلقاو كنخرجو و لكن ماما مكنتش عارفة بلي هي سباب حتى تراجع المستوى ديالي فالدراسة و مبقاتش عندي لگانة لقرايا 😔حيت مكانتش غتخليني نترافق معاها . و صلت 24 سنة تلاقيت واحد السيد سميتو رشيد تبادلنا نوامر رتبطنا ❤️دامت العلاقة ديالنا عامين و شهرين داز الوقت تخاصمنا و جبدت ليه موضوع زواج و بما أنه خدام موظف و عندو دارو و مخصو والو معندوش عذر باش يرفض الزواج 💍جابتها الوقت قالي مرحبا غنجي لداركوم منين قلتها صاحبتي قالت لي مشي زربتي راه مدخلش ليا لخاطري ⁉️قلت يكما غارت و لا مبغتنيش نتزوج قبل منها لمهم متسوقتش لهدرتها صافي سيد صيفط ختو مزوجة و مو و علمت ماما بلي واحد السيد غيجي يخطبني و علمات بابا و جاو شفوني كيبان عليهم الله يعمرها دار بابا مشا سول عليهم و على السيد لجا يخطبني كلشي قليه الله يعمرها دار صافي منين رجع عيطنا ليهم باش يجيو كاملين خوتو و خوتاتو و نسابهوم و الخطيب درنا لعشا تعارفنا داز كلشي مزيان 👌و مشاو و تفاهمنا على نهار الخطبة و دريب الصداق و العرس.☺️
درنا الخطوبة و العقد و گلسنا شهرين بيما فرش الدار كاملة على دوقي أنا و كنختار لبغيت و هو كيتشطر على راسو منين كملنا لفراش صافي بدينا كنخرجو نتقداو دكشي لخصني لدفوع و ماما ديما كتوصيني نتكايس عليه و فنفس الوقت خدا ليا گاع لخصني ☺️جا نهار العرس لكان مشترك بين العائلتين و درنا عرس واحد و داز عرس من دكشي رفيع👌
مشيت لداري و تسالات يمات العرس و رجعنا لروتين العادي ديال الأزواج و لكن محسيتش بلي تبدل عليا و عمرو متشكا مني إلا تعطلت فالنعاس و لا علاش موجدتي ليا فطور قبل مانمشي لخدمة مرة فسيمانة يخرجني وخا هو الحالة لمادية ديالو مزيانة أنا كنت مكايسة عليه و مكنعيقش☺️
مورا لعرس ممشيناش شهر العسل حيث كان مزير بالخدمة و قالي حتى نشد كونجي و فعلا وقتما شد كونجي كيسافر بيا كيدورني مخلينا حتى بلاصة مهلي فيا❤️
دازت الأيام و حنا عايشين بخير و عائلتو كاملة فرد بفرد الله يعمرها سلعة كلهوم مزيانين حتى عائلتي كانت معاه مزيانة كيعملوه أحسن معاملة👌
بالنسبة لديك صاحبتي و صلاتني عليها بزاف تالهدرة دوات فيا و حسيت من جيهتها بالغيرة و سديت عليها و تهنيت😔
دوزنا 4 سنين دزواج عمرو فتح معايا موضوع الولاد و منين فتحت معاه فالموضوع قالي باقي علينا الحال رحنا باقين صغار و منين شفت بزاف تلبنات تزوجو ورايا ولدو صافي مبقيتش مرتاحة وليت كنقلب عليهم و نداوي باش نحمل👩🏻🍼
داز عام مورا مبديت كنداوي على تأخر الحمل 🤰🏻و مكان والو قلتلو خصنا نمشيو عند الطبيب مبغاش فاللول و قالي سيري بوحدك و لكن بززت عليه و داني عند واحد طبيبة من معارفو فالخدمة و لكن هو مدوزش طبيبة قالت ليا كلشي عندك مزيان و عطاتني دوا غي باش يزيد فرص الحمل حتى راجلك خصو يدوز مبغاش يمشي عند نفس الطبيبة قالي أنا غنمشي عند راجل مشا و رجع قالي بلي طبيب قلو كلشي عندك مزيان و ممكن تولد فأي وقت ولكن معطاه حتى دوا.⁉️
و را شي 6 شهور مزال مكاين والو و بدات حماتي كتدوي و تسول على لحمل رجعت عند طبيبة باش تعاود دوز ليا و لكن قالت ليا ممحتجاش تدوزي و لا نكتب ليك شي دوا لمهم أصريت عليها تعاود تشوفني دوزات ليا قالت ليا سيري حتى نعيط ليك جيت قالت ليا للأسف عندك مشكل آخر مرة كان كلشي مزيان مفهمتش علاش وليت كنشك بلي داك دوا لعطاتني هو سباب 😱قالت ليا لا سيري سولي على هد دوا و قالت ليا راك معمرك غتولدي و بلاما تبقاي دوري على طبة راه مغتولديش و غتبقاي غي كديعي فلوسك سيري صبري حتى يفرج الله😔
جيت لدار مدرت والو غي كنبكي😰 جا راجلي عودت ليه دكشي و قلت ليه الا بغيتي تفارق معايا مشي مشكيل قالي شكون قاليك الالة انا بغي نتفارق معاك و لا بغي لولاد انا بغيك نتي مجابهومش الله مرحبا و خا خفت من حماتي لولات كتحكر و كتجبد لولاد و ليت شاكة فراسي غي الا شفتو مقلق كنفكر بلي غي موضوع لولاد لمقلقينو و لكن هو كيبين بلي تحاجة من هدشي مكيفكر فيها و كنت فيما كندويو فهد الموضوع كنقوليه الا بغيتي تزوج من حقك 😰بغيتي طلقني مشي مشكيل من حقك يكونو عندك وليدات كيقولي لا☺️
دازت الايام راجلي سيفطوه لخدمة لطنجة هو و صحابو جا علمني كان يحسابني غيديني معاها و لكن قالي ميمكنش غادي مع صحابو و عطينهوم سكنة لمدة شهر ميمكنش قالي بغيتي تبقاي فدار بقاي مبغيتيش سيري لداركوم رتاحي و قلت غنمشي نرتاح و نبعد باش متجي عندي حماتي تبقا تجبد ليا موضوع لولاد.👌
مشا هو سافر مشيت أنا لداري و بقينا على تواصل بشكل يومي ديما كيصوني يسولني شنو كديري فين مشيتي مهم كنهظرو فأي وقت يصوني ليا فيديو إصور ليا شنو كلا و فين كاين مدة سفار ديالو كاملة حتى رجع.
منين جا من سفار قالي بلي غنگلس معاك غي وحد سيمانة و نرجع باقي مكملنا لخدمة و زادونا شهر آخر صافي خرجني فوج بيا شرا ليا گاع لخاصني و قالي رجعي لداركم حتى نجي صافي غي مشا سافر رجعت عند واليديا لدار.
كمل الشهر ديال الخدمة و قالي راني راجع رجعت لداري كنتسناه و كنت فرحانة بزاف خصوصا قرب صيف و غياخد كونجي و نسافرو و يعوضني على الوقت كامل لكان خدام بعيد عليا.❤️
منين جا دوزنا واحد سيمانة مزيان كلشي على ميرام حتى كنتفاجئ بيه كيقولي بلي لكونجي غياخدو باش إسافر مع مع ماماه و ختو حيث طلباتو يمشي معاهم و منين تزوج و هو كيسافر غي معايا فكونجيات،😰قلت ليه واش غديوني معاكم قالي لواليدة قلت بغتني نسافر معاهم مشي هوما يسافرو معانا فهمت المقصود و قلتلو على باك مالو ميسافر بيهم ياك عندو طومبيلتو عطيهم فلوس باش يديهوم و يشريو لبغاو قالي لواليدة مبقاتش مفاهمة معاه و كيعصبها بنگير ديالو و كيتخاصمو بزاف و مكيبغيش إخرج لفلوس قتلو هي صافي غتمشي معاهم و أنا قالي سيري عند داركم فوجي و إلا كانو مسافرين سيري معاهم.
طلب مني نجمع ليه حوايجو لغيدي و جمعت حتى أنا حوايجي باش نمشي لدارنا وخا يله رجعت منها و لكن منقدش نبقا بوحدي فدار و كلشي مسافر.
مشيت مع دارنا لعروبية عند جدي گلسنا فوجنا شي 3 سيمانات مبقاتش لهدرة كيف كانت كنصوني ليه مكيجاوبش حتى كدوز وقت طويلة عاد كيصوني كيقولي كنت خارج كنا كنتقداو المهم من نهار سافر معاهم تبدلات طريقة تواصل ديالو معايا نقص من مكلمات و رسائل مبقا كيصيفط ليا تصاور و فيديوات قلت يمكن مو وصاتو و مبغاتش نبقا نصوني ليه نبرزطو.
رجع لدار بلاما يقولها ليا و صونا لي قاليا أنا راه جيت غنقطع ليك فطيارة ركبي و أجي صافي فرحت قلت لماما غنهبط لداري راجلي رجع قطع ليا فطيارة باش نمشي ،صافي مشيت لداري لقيتو مشرا ليا والو بحال عوايدو كيجي جايب ليا معاه كدوات و حوايج هد لمرة مجاب معاه والو ،قالي سمحيلي مبقاوش ليا فلوس و الوقت باش ناخد ليك شيحاجة زوينة قلت يمكن حيت معاه مو و ختو و موالفينش إسافرو معاه منين مشاو هد لمرة معاه طبو ليه فلوسو قلت مشي مشكيل صافي مرة و دازت و غنرجعو كيف كنا نسافرو أنا و ياه و نفوجو بوحدنا.
واحد نهار حتى جات مو كدق علينا بليل تخلعت مموالف حد يجينا فداك الوقت حليت لقيتها هي قلت ليها خالتي ياك لباس على أساس يكما واقع ليكم شيحاجة و هي تجاوبني قاصح كيفاش ياك لباس أنا جاية لدار ولدي يكما نسيتي يله بغيت نقوليها لا أنا قصدت ،وهي تزيد دخلات و خلاتني مشات گلسات حدا و لدها و قليها نفس الهضرة و لكن مجوبتوش بطريقة لجاوبتني أنا ،قالتلو شوف عفا و لدي إلا مدينا غدة أنا وختك عند واحد شريفة كتسبب فلخرجة تلمدينة و هو يقوليها علاش بغيتوها قلتلو مبقاتش فيك حالة ختك عشر سنين و هي مطلقة و تواحد مسول فيها كلشي كيقولي راه عندها لعكس و تابعة غدا متزيدش معايا لهضرة غدينا، قلت ليها أنا أخالتي دكشي راه ممنوش دير غي رقية و تقرا سورة البقرة و دير قيام الليل و غيجيب ليها الله شي ولد ناس قالت ليا داكشي كلو درناه نمشيو نشوفو هد السيدة تهيا كلشي كيشكرها و نيت كينة العطلة دبا كتكون دنيا خاوية عندها و معليهاش زحام و نشوفو حتى رشيد مالو كيبان ليا شاد فيه سحور گالس بلا ولاد 6 سنين و صابر و مكيقد گاع يدوي. هضرتها قصحاتني و معجباتنيش قصدات بلي أنا سحرا ليه حيت مكنولدش باش هو ميقلبش يتزوج مرأة أخرى و يولد وراجلي مجوبهاش قليها صافي حتى غدا و ندوز عندكم بكري و نمشيو.
لغد ليه ناض بكري مشا لعندهوم و داهم موراها تاني رجع نفس دكشي لدار فاش سافر معاهم كونجي، مكيجاوب على تليفونو حتى لأشمن وقت و معرفاه لا فين كاين و لا أش كيدير مدة سيمانة تقريبا حتى ليلة لغيصبح شاد فيها طريق عاد صونا ليا قالي غدا جاي راه تعطلت معاهوم حيت السيدة قلت ليهوم خصكوم تبقاو تجيوني مدة سبعيام باش نگلع ليها تابعة لفيها و بقينا .
رجع لدار عادي دوش بدل حوايجو گلس جمع معايا شوية عاود ليا بإختتضار و قالي أندخل نعس خدام صباح،نهار تاني منين مشا لخدمتو فالعشية أنا مشيت لدار عند مو نطل عليها منين جاو من سفر ،دخلت لقيت عندهوم واحد السيدة برانية ماكية و ناقشة يديها و لبسة قميص سلمت عليهم و سلمت على سيدة قالت لي هدي ضيفة عندنا جات كتقلب على خدمة هنا ، دخلني شك و لكن معرفت منقول و مفهمتش أشنو واقع رجعت لداري و قلت لراجلي كيفاش نت جيتي و معاودتي ليا والو مقلتيش ليا راه جات معاكوم فطريق واحد لمرأة برانية و جات گلست معا موك قاليا و باش عرفتيها قلت ليه مشيت نشوف موك و لقيتها قالي و لاش مشيتي و متشاورتي معايا قلتلو علاش نتشاور معاك مولفة كنمشي عندها بلا خبارك متلفنيش جاوب قالي مسوقيش أنا فشغال لعيالات السيدة بقات مجمعة معاهوم و عرضو عليها تجي لدارهوم مالها جات لدارك سوقهم هداك ،وخا جاوبني هكا متسرطاتش ليا و بقيت كنتناگر معاه علاش صونيت ليك فطريق و نت جاي مكتجاوب قالي مبغيتش ندوي قدامهوم و معانا زايد ،قلتلو أنا راه مرتك مسوق حد خصك نت تجاوبني و تعلمني تقولي ها شنو كاين و يكون فراسي كلشي و دبا لشفها عندكوم فدار إحسابلو كتجيكوم و هي مزوقة و مكيا تگول عروسة قالي و عرفتي شنو بلاما تبقاي مبرزتاني و غدا و لا بعدو تقولي غدار غنجيك من لخر هديك لمرة زوجاتني بيها لوليدة على قبل دراري بزز عليا داتني حطاتني أمام الأمر واقع لقيتها مفاهمة مع ناس و موجدين و أنا مفراسي والو ،طحت من وقفتي و بقيت كنغوت و نبكي ياك الغدار قالي كون كنت غدار و الله منقولها ليك نخليك حتى تسيقي لخبار من عند ناس خصوصا صحبات ماما كتعرفيهوم و حتى جيرانها، قلتلو هي كلشي فراسو إلا أنا قالي أنا معالم بوالو داوني على أساس غدين إسبو لختي إلهام حتى كنلقا راسي عند ناس موجدين و جايبين لعدول ،قلتلو و كيف درتي تزوجتي بلا موافقتي قالي السيدة عندها نسيبهوم قاضي و قال هو غيتكلف بكلشي قلتلو و علاش مجيتيش قبل و علمتيني بغي نتزوج و تمشي بخاطري و بخباري قالي عارفك مغتبغيش و الا قلتها ليك غتقولي طلقني و أنا كنبغيك و درت لخاطر لمي قلتلو و خاطري أنا قالي متخافي والو تحاجة مغتوقع و تحاجة مغتبدل هنتي غتشوفي هي غتبقا مع مي فدار و أنا مرة مرة نمشي نطول عليهوم حتى تمل و تعيا و تلقا راسها عايشة بوحدها و طلب طلاق و حنا مريضنا معندو باس ،أنا بغيك نتي و إلا لولاد مكنوش منك مبغيتهومش.
مصبرتش و بقيت كنبكي و منعستش و خا عيا ميحزرني و ناض صباح مشا جاب ليا سرتلة ذهب و خرجني قلتلو بغيت نعرف كيفاش قبلتي بهدشي و كيفاش تفقتو مع هد ناس و قلتو ليهم راك مزوج و قلبلو قالي شتي فاش مشيت مع مس كونجي تلقينا هد ناس كروا حدانا واحد دار و ماما تصحبات معاهوم هي و خاتي و لبنت مطلقة و بقات فمي و دوات معاهوم قلتلهوم و لدي مزوج و مراتو مكتولدش و باغا نزوجو و لكن مراتو مبغيش إطلقها قالوليها حنا موافقين و تبادلو نوامر و تافقو بيناهوم بلاما تعلمني و منين قالو ليا يله دينا نقديو داك لغراض حتى شدينا طريق عاد علموني و بقات مي كطلبني غي يله غي تخطب و شوف ديك ساعة و فرر منين مشينا لقينا ناس موجدين و جيبين لعدول و قالو لينا نسيبنا غيتكلف بوراق غي تكاتبو عند لعدول و كلشي غيتقاد صافي و حطوني أمام أمر واقع و بقاو عليا بالهضرة و لعطا الله عطاه و كنت ناوي غي نجي نقولها ليك بقيت مضدومة و شاعلة فيا العافية و أنا كنسمع أش كيقول و هازة فقلبي و لكن لمصبرني مكيمشيش عندها من نهار جا ديما من دار لخدمة و من لخدمة لدار شويا بدات مو كتصوني ليه جي عند مراتك عطيها حقوقها و أنا كنسمعو هضرتها من تيلفون كيقوليها واخا أنا جاي و لكن مكيمشيش شي تلتيام متابعة هكاك حتى واحد نهار جات حماتي فصباح مع نبوري يله لقاتني كنوجد ليه لفطور حليت عليها دخلات قلتلي فين رشيد قلت ليها فدوش كيدوش خرج قلتليه تلتيام و نت مخلي لمرة مليوحة يك قلتي ليا عطيني لوقت نقولها لفدوى و نجي واش مقلتيهاش ليها بقا ساكت و كيشوف فيا قلت ليها قولس ليا نتي أشنو غيقول قالت ليا فوجهي بلا حشمة ياك نتي مكتولديش و عيتي مداوي إرا أنا راه جوجت ولدي باش يدير وليداتو قلت ليها يه فراسي لغدر ديالك و لخطة لدرتو ليا واش مخفتيش من الله قالت ليا مدرناش لحرام صافي و هو يقوليها صافي أمي لاش جاية غنجي بوحدي غي سيري نكمل خدمتي و نجي صافي خرجات حتى هو لبس حوايجو تلخدمة و خرج گلست كنبكي و عيطت لماما قلتها ليها قالت ليا ياك المدلولة اش بقا كتسناي حتى يجيبها يدخلها عليك يقوليك سكني معاها قلت ليها انا مغنخرجش من داري و مغنقبلش بهدشي و هو قالي غتعيا و غتبغي طلق صافي فالعشية رجع مع وقيتة ديالو ممشاش عندهوم قلتلو ممشيتيش قالي راني دويت معاك أنا ديك السيدة معينيش فيها مي ليبغاتها راها تگلس معاها صافي برد ليا خاطري شوية لغد ليه جات مو فالعشية قالت ليه رجلي على رجلك غنديك لدارك عند مراتك بقا كيتناقش معاها قالت ليه والو مغداش حتى تمشي معايا هديك تهيا مراتك و إلا هدي ساحرة ليك و قادة تسيطر عليك متخليكش تمشي أنا جاية نديك سكت نقلت والو تاهو حدر راسو مشا معاها مرجع حتال صباح بدل حوايجو بلاما يفيقني و مشا لخدمتو و أنا كيحسابو نعست و أنا ليا كامل شاعلة فيا لعافية تلغيرة و الفقصة رجع من الخدمة بقا كيتقرب مني و يطلب فيا منتقلقش و منخاف والو مغيكون والو دازت شي 3 أيام بدات مو تاني كتصوني مبغاش إمشي عاود صونات ليه قالت ليه واش نجي نجيبك باش تجي تشوف مراتك خايف من لوخرا سكت و ناض مشا بقينا على هد الحال شي 5 شهور حتى واحد نهار جات مو كدوق علينا و هو ناعس مكانش خدام قالتلو فيق ارشيد زيد عندي ليك خبار زوينة فاق جا گلس حداها قالت ليه مراتك حاملة قليها ميمكنش قالتلو كيفاش ميمكنش لمرا مزوج بيها 6 شهور هدي و كتقولي ميمكنش وخا غي مرة مرة عندها و لكن راه تحمل غي من مرة وحدة سيد ولاو عينيه حمرين و صفار و تعصب قلتلو أنا مالك قالي والو مشات مو وقالت ليه دوز بارك لمراتك و شري ليها شي كادو راه كتسنا و صونات ليك مكتجاوب سيد گلس و حط يدو على راسو و مبغاش يدويني قلت هدا غي هافني نتقلق حيت قالي مغيكون والو دكشي علاش كيدير هكا قدامي أنا غي سمعت لخبار كنحس بيا بحال شعلات فيا عافية دخلت بيتي و سديت عليا و عطيتها لبكا بليل دخل نعس و مدهاش فيا و لا حزرني لغد ليه فاق معطل قلتلو معديش لخدمة قالي لا عندي واحد لغراض غنمشي نقضيه قلتلو شنو مجاوبني عيط لمو قدامي قليها شوفي قولي لهديك تلبس حوايجها راني جاي نديها طبيب قالت ليها و أنا كنسمعها متيقتيش بلي راها حاملة و لا حرشاتك مراتك و خا غتلقاها واجدة قالي لبسي يله معايا مفهمت والو كنبغي نهضر كيسكتني دزنا لعندهوما باش نهزوهم كنت غنهبط من بلاصتي باش تگلس حداه هيا قالي گلسي فبلاصتك دخلو هما عند طبيبة گلست أنا برا قريبة لبيرو سمعت طبيبة قالت ليها مبروك راك حاملة و نو يقوليها دكتورة واش مأكدة قلتلو يه أسيدي راه عندها 4 شهور دبا خرج قبل متكمل طبيبة معاها و تكتب ليها دوا قالي أنا زيدي تبعيني قلت ليه و هوما قالي زيدي مشينا ركبنا حرك طومبيل بلاما يتسناهوم هوما مشينا لدار بقا ساكت و باينة عليه معصب و مشا دخل كيجري لكوزينة هز واحد لموس و جا قالي شوفي بلاما تبعيني گلسي فدارك قلتلو أوسلي نت مالك أش واقع ليك و هو يقولي ديك لخانزة لجابت مي جاية بغا تلصق فينا كرش قلتلو كيفاش يك نتا كنتي كتمشي عندها و هو يقولي أنا مكنولدش قلتلو كيفاش مكتولدش قالي عارف رواسي غالط و لكن طبيبة لسيفطتك عندها أنا مشيت ليها و طلبتها تقوليك أنكي نتي مكتولديش باش تبقاي معايا أما كون قلت ليك أنا كمنولدش مغديش تصبري تبقاي بلا ولاد واحد نها غتعياي و غتبغي طلقي و تمشي تزوجي واحد كيولد قلتليه واش أنا فايت سمعتي مني هد الهضرة أنا كون جيتيني صراحة نبقا عمري كامل معاك نت كتهمني كثر من لولاد و دبا هد خيتي اش بغيتيها يله جري عليها و طلقها و تهنا من غير إلا كانت كتهم و غرتي عليها دكشي علاش بغي تقتلها قاليا راه ولات مراتي وخا مبغيش و محسوبة عليا قلتلو وباش عرفتيها مكانتش حاملة قبل خصوصا قلتي مشينا غي ندويو لقينا عائلتها جايبين لعدول و قالوليكوم لوراق غيوقف عليهو نسيبهوم قالي ممكن مي لدارت هدشي كلو أنا غي تگدمت و حيدت ليه جنوي قلتلو تبت عقلك و تفاهم معاها تمشي بحالها غي بلعقل مشينا مع تحل لباب مشعرش حتى طار عليها بقجة و قليها جاية تلسقي فينا مونتيف و بقا كيخنق فيها بقا كتغوت عليه مو مالك تسطيتي حرشاتك عمراتك عليها غارت منها حيت مكتولدش و هو يقوليها و راه أنا لمكنولدش و أنا لقلت طبيبة لكنعرف تساعد معايا و تقول ليها هي مكتولدش باش متمشيش و تخليني منين دار إتلافت لقاها هربات صوناو على دارهوم و بداو كيتغاوتو قلو ليهوم بنتكوم حاملة و بغا تلصقوها فينا و راه هربات منين عقنا بيها صافي مو ولات كتعنقني وتقول ليا سمحيليا أبنيتي مشات مو ديكلرات بيها و عيطو ليه و جات موها و مشا طلقها و رجع راجلي معايا كيف كنا سمينة على عسيلة و حتى مو و خوتو وااو دايرين ليا كيف لما لقليل مهليين فيا و عرفو بقيمتي و الحمد لله أنا و ياه عايشين بخير و على خير و خا مكينينش لوليدات و لكن مخصنا خير بزوج.
شحال من واحد كتكون عندو بنت ناس جوهرة فدارو مكيعرفش بقيمتها كتجي لوقت لكينوي يبدلها عند بالو غيتلقا مع محسن منها حتى كيلقا راسو طايح مع شي وحدة تعيشو لعذاب و يله كيعرف بقيمة لكانت بن يديه و غي لي ربي كيبغيه و بغا ليه ميضيعهاش كيدير ليه سباب باش ميتفرقوش.👌☝🏻