شنو لي غادي يخلي الزوج يقتل مراتو قدام عنين بنتو لي باقي طفلة ؟وأشنو غيكون المصير ديال هذه الطفلة 😰
قصة واقعية حقيقية بالدارجة المغربية
غنبداو القصة ديالنا في واحد الحي شعبي بمدينة طنجة من عند واحد الأسرة لي تتكون من ثلاثة ديال الأفراد الزوج لي سميتو عزيز والزوجة لي سميتها لطيفة أعندهم بنت سميتها مريم في عمرها خمس سنوات.
عزيز الزوج والأب لي فعمرو ثمانية وثلاثين عام الأصل ديالو ريفي خدام شيفور ديال الكاميو فواحد الشريكة،تزوج بلطيفة ملي كانت فعمرو إثنان وثلاتين عام .
لطيفة الزوجة والأم لي فعمرها ثلاث وثلاثين عام الأصل ديالها من طنجة تزوجت بعزيز ملي كان فعمرها ثمانية وعشرين عام .من بعد مداز عام على زوجهم غيرزقهم الله بطفلة أسماوها مريم ،هنا عزيز غدي إخرج من ديك الشركة أغدي إكري واحد الكاميو عند واحد السيد أغيبقا خدام بيه أمعضم الوقت ديالو كيكون مسافر ولكن مهلي فمراتو وبنتو مكيخلي حتى شي حاجة تخصهوم .دازت ستة دسنين على زواجهم أبنتهم مريم ولات في العمر ديالها خمسة سنين .
هنا فين غتبدى القصة ديالنا و نحكيها ليكم بلسان الطفلة مريم.كتقول الطفلة مريم ملي كيكون بابا مسافر خدام كيجي واحد الراجل عندنا لدار عندو حانوت فسوق سميتو رشيد كان فالأول كيجي عندنا غي بنهار و فليل كيمشي بحالو مع الوقت بدا كيبات معانا يوميا و فاش كيكون بابا فدار مكيجيش عندنا ،واحد النهار سولت ماما علاش عمي رشيد كيبات معانا ديما قالت ليا كيجي إونسنا و كيرد لينا البال باش ميجيناش بوعو ،و بقا ديما كيجي عندنا.
واحد النهار كان بابا مخدامش،مشيت أنا و ماما لحمام قالت ماما لبابا أنا غندوش لمريم و جي ديها قال ليها صافي،منين غسلات ليا ماما جا بابا داني مشينا شربنا واحد العاصير فواحد محلابة و مشينا لدارنا،بقا بابا كيلعب معايا وحد اللحظة سولني قال ليا يكما كتخافي منين مكنكونش معاكم فالدار ،قلت ليه لا راه كيجي عندنا عمي رشيد ديما و مكيخلناش بوحدنا،هنا بابا كان متكي و فاش سمع هدرتي ناض و جلس و هو يقولي شكون هد عمك رشيد ،قلت لو رشيد مول الدسير ،قال ليا معاش كيجي عندكم،قلت ليه فيما كنتي كتكون مسافر كيجي عندنا بليل و كيمشي فصباح ،هنا بابا وقف و بقا غادي و جاي فدار بحال لحمق،وحد الوقت مشا كيجري لكوزينة و جبد جنوي باش كيدبح الحولي مشيت لعندو و هو يغوت عليا و قالي رجعي جلسي بلاصتك و هو يفتح الباب و خرج واحد شوية وهو إرجع كلس فوق واحد الكرسي أشاد داك الموس في يده ،واحد اللحظة سمع ماما كتحل الباب ناض أقف أخبا داك الموس بالزربا تحت حوايجو ،دخلات ماما أقالت ليه كون غير جيتي هزيتي ليا سطولا عيت .مجاوبهاش أنا مفهما واالو شويا قالها ملي مكنكونش مكتخفيش قالت ليه صرحة شوية ولكن كنتسجع ،قالها لا واش مكتخفيش من الله شافت فيه أقالت ليه كفاش مفهمتش هو إقرب حداه أقالها واش أبنت الحرام مكتخافيش الله كدخلي شماتة لفراشي وهو إجبد ديك الجنوية أبدأ كيخشيها فيها أكيخرجها ماما تاحت وغارقة فالدم .بابا ولى بحال الوحش أنا كنغوت وهو كيقتع في الأعضاء ديال ماما فصلها كاملة قدام عيني أنا بقوت الخلعة حليت الباب وخرجت لقيت شي عيالات قلت ليهم بابا كيدبح ماما تجمعت أمت سيدنا محمد الدرب كله تجمع حدا دارنا عيتو الناس البوليس جاو دخلو لقاو بابا كالس حدا ماما وديك الجنوية في يده غير شاف البوليس لاح الجنوية وقالهم ديوني .داوه البوليس وجات الإسعاف بداو كيجمعو فالأعضاء ديال ماما .😱
أنا داوني البوليس معاهم دخلوني عند واحد الكوميسير قال ليا واش فيك جوع قلت ليه لا هو يعتبني واحد العصير وقال ليا متخفيش عاودي ليا مال ماما أباباك علاش دار ليها هكاك قلت معرفتش قال ليا واش كانو مدابزين قلت ليه لا قال ليا فين كانت ماما حيت لقاوها لبسا جلابية،قالت ليه كانت فالحمام كنت معاها غسلات ليا وجاء بابا داني معاه جينا الدار قال ليا بابا واش كتخافو ملي مكنكونش قلت ليه لا راه كيبات معانا عمي رشيد من تما بابا تبدل أمشا هز الجنوية أخرج ،شويا هو إرجع كلس فكرسي دخلات ماما صافي تما فين ناض ودار ليها هكاك .😭قال ليا الكوميسير شكون رشيد واش خو باباك؟ قلت ليه لا مول الديسير .هنا الكوميسير عرف سبب الجريمة حيث بابا مبغاش إقول للبليس حتى حاجة.
قال ليا الكوميسير واش كتعرفي المحال ديال مول ديسير قلت ليه أه كنعرفو قاليا نوضي نمشي معاك توريه ليا مشيت معا هو أجوج أخرين ،لقاو المحال ديالو مسدود سولو جارو قلهم اليوم محلش المحال وقيلا مريض !سولوه على دارو هو إنعتها ليهم .مشاو ليه دقو الباب خرجات مو سولها على رشيد قالت ليهم ناعس مريض وهما إدخلو عليه خرجوه معاهم أتلعوه غير شافني بداو الألوان كيتغيرو فوجهو أصلنا لكمسارية داخلو عند داك الكوميسير ،وهو إقول ليه كتعرف هذه؟قال له لا قال ليه الكومسير شوف أكان !راه البنت كتعرفك مزيان ،قال ليا الكوميسير شكون هذا الراجل ؟قلت ليه هذا عمي راشيد ،قال ليا واش هو لي كيحديكم ملي مكيكونش باباك؟قلت ليه أه هو ،شاف فيه الكوميسير وقال ليه أشنو بان ليك فهادشي أسي رشيد ❓حدر راسو وبقى ساكت .أنا حتى لدابا مفهمت والو 😭
جات العائلة ديال ماما جداتي وخوالي كلهم كيبكيو وكيدعيو على بابا ،حيت هما مزال معرفو علاش بابا قتل ماما. شويا جاء عمي سعيد أمراتو حيت جداتي مامات بابا عيشا مع عمتي ربيعة في فرنسا،مشات مع عمتي لفرنسا ملي مات جذي عبد الجليل لي هو راجلها .المهم الكوميسير شرح ليهم سبب الجريمة .
قال ليهم هذه البنت شكون غذي إذيها قالت ليه جداتي فاطمة أنا نديها .داتني معاها مهم دفنو ماما دارو الصدقة ،الغد جات عندي جداتي قالت ليا واش نتي لي قلت لباباك بلي داك الراجل كيجي عندكم ؟ قلت اه بابا سولني واش كنخاف ملي كيكون مسافر قلت ليه لا راه كيجي عندنا عمي رشيد .قالت ليا الله إعتيك العمى أبنت الحرام نتي سباب فموت بنتي شداتني في يدي أخرجاتي برا قالت ليا ترجعي نقتلك وسدات عليا الباب 😰أنا مفهمت والو ديك الساعة 😰بقيت كنبكي معرفتش فين نمشي شوية اتفكرت عمي سعيد مشيت دقيت عليه دخلاتني مراتو حنان حيت عمي مكانش فدار ،سولاتني مالي قلت ليها جرات عليا جداتي دازت شي سعتين هاهو عمي جاء،.غير شافني كحل بالعمى قال لمراتو أشنو كدير هذي هنايا قلت ليه عمي راه جرات عليا جداتي من دار .😭قال ليا أنا مشي عمك وعزيز مشي باباك خرجي براا معمرك تلحقي داري شدني أسد عليا الباب .بقيت كنبكي معنديش فين نمشي بقيت كندورفالدروبا أشدني الجوع أظلام الحال لحنين لا رحيم مشيت لواحد الجردة بقيت كالسا كنموت باالخلعة شويا محسيتش براسي إمتى نعست أول مرت أول ليلة فالزنقة.فقت الصباح بديت تاني كنضور عييت بالجوع مشيت عند مول واحد القهوة قولت ليه فيا الجوع عطاني كليت أبقيت كندور فالزنقي وكنت كنخاف إجي ليل 🌙 حيت معنديش فين نمشي 😰
بقيت عيشا في الزنقة لمدة ثلاث سنوات كنكل من الطوارو ديال الزبل كنبات فالجرادي 😱حاجة وحدة لي كنحمد عليها الله هي أن معمر شي واحد تعدا عليا ولا حتى ضربني .
واحد النهار أنا غادى كندور كيف عوايدي واحد اللحظة وقفت عليا واحد المرأة بطومبيل كبيرة وزوينة .قالت ليا أشنو كديري هنا ؟قلت ليها والو واش كتعرفيني ؟قالت ليا بغيت غير نعاونك ،فينهما واليديك قلت ليها بابا فالحبس قالت ليا وماماك قلت ليها ماتت قتلها بابا .😳المرأة تخلعات قالت ليا ياربي السلامة،واش تبغي تمشي تخدمي عندي فالدار ؟ قلت ليها مكنعرفش نشقى قالت ليا نعلمك شحال فعمرك ؟قلت ليها معرفتش ولكن أنا مزيودة سنة 1988 حسباتها وقالت ليا راه فعمرك 12سنة .قالت ليا واش صافي تمشي معايا قلت ليها صافي نمشي معاك .عطاتني خمسين درهم وقالت لي قولي لمول الطاكسي إديك لهاذ العنوان غتلقايني كنتسناك تما .داكشي لي درت مشيت لذاك العنوان لقيتها كتسناني دخلت معاها لواحد لفيلا كبيرة .قالت ليا وقفي✋هنا تسناي مشات جابت ليا سطل والصابون والشمبوان أدخلاتني لواحد طواليت صغيرة فالجردة قالت ليا دوشي مزيان غسلي حالتك مزيان .أنا ثلاث سنوات معمري دوشت بديت كنغسل شعري مابغاش إتفك ليا مهم غسلت أعيت ليها غير شافتني قالت ليا واش هذا هو الغسيل فكي داك الشعر،قلت ليها مبغاش إتفك قالت ليا خصك تقرعي نتي فيك الكمل بزاف .أنا بقيت غير ساكته قالت ليا رجعي كلس فديك طواليت حتى نعيط ليك .شويا عيطات ليا ومعاها واحد الراجل جابتو هو كوافور باش إقرع ليا مهم قرع ليا .ودخلت دوشت وداتني وراتني فين غنبقى نبات و فوسط ديك الدار كاين واحد المرا كبيرة و راجلها مي خديجة و با محمد،هد السيدة و راجلها كانو من أطيب خلق الله حنو فيا بزاف و هما لعلموني شقا كامل ديال الدار.من بعد وحد المدة طويلة و أنا خدامة فهد الفيلة بلا خلاص فاش و صلت 18 عام عاد ولات مولات الدار كتعطيني 200 درهم لشهر.
واحد النهار مجمعة أنا و مي خديجة قالت ليا دبا نتي كبرتي راه خاصك تبقاي تخرجي بوحدك باش يشوفك شي ولد الناس و بتزوج بيك و تهناي من هد تمارة و فعلا بديت كنخرج مع راجلها منبن كيكون غدي يتقدا باش نعاونو و فنفس الوقت علاه و عسا إشوفني شي ولد الناس و نعجبو و يتزوج بيا.واحد النهار أنا خارجة من عند الگزار تبعني وحد الشاب قال لبا عطيني نمرتك عطيتو نمرة ديال مي خديجة بحكم مكانش عندي تلفون و من بعد ممشيت لدار و دويت معاه طلب مني باش نتلقاو شرحت ليه بلي أنا مكنقدرش نخرج بوحدي غي لضرورة سولني على عائلتي وعاودت ليه عليهم بلا تفاصيل و منين سولتو على خدمتو قالي أنا شفور ديال كميو تما كانت صدمة ديالي حيث فكرني فبابا و خدمتو ودكشي كامل لوقع و مبقيتش قادرة ندوي معاه و مبقيتش كنجاوبو حتى فهم راسو و مبقاش كيصوني ليا.دازت الليام و وصلت 22 سنة مولات الدار لخدامة عندها قرات تبدل ديكور ديال الفيلا و الفراش و جابت خبير ديال الديكور سيد شافني فاش كان ففيلا و سول عليا مولات الدار قال ليها واش هد الشيدة لخدامة عندك واش مزوجة قالت ليه اه مخطوبة بلا متقولي والو و سمعها با محمد و جا قالها لمراتو مي خديجة و هي مصبراتش جات قالت لي السيد لجابت لالة نزهة سول فيك واش مزوجة إمكن عجبتيه وبغاك معقول و لكن هي كدبات عليه و قاتلو بلي راك مخطوبة غير باش تبقاي خدامة عندها و متزوجيش و تمشي من الفيلا و طلبات من با محمد باش إتاصل بسيد و يقولو بلي راني ممخطوباش و بلي إلا ناوي المعقول مرحبا، السيد فعلا جا دوا معايا و سولني على قصتي و كيفاش تلقيت بلالة نزهة و خدماتني معاها و سولني حتى على عائلتي و عودت ليه كلشي عليهم حيت حسيت بيه بلي بغاني بصح و رتاحيت ليه منين عرف أش وقع ليا واشنو داز عليا قالي بلي غنزوج بيك بشرط تقادي أمورك و تجيبي وريقاتك باش نديرو عاقد و قتلو بلي معندي تورقا كلشي بقا فدارنا القديمة و معرفاش أشنو وقع مورا مخرجوني عائلتي و طردوني لزنقة و عمامي نكروني واعدني بلي غيتكلف بالموضوع و يمشي لدارنا و يحاول يدوي مع عمامي إعطيوني الحالة المدنية نقاد لكارط ديالي و من بعد ما وريتو العنوان ديال دارنا مشا و دوا مع عمي لنكر بلي عندو شي بنت خوه و قاليه بلي الا بغيتي خويا سير قلب عليه راه باقي فالحبس و من مورا بزاف تدخلات قدر إوصل لسجن فين كاين و طلب ليا زيارة مع بابا رجع لعندي وقالي شنو دار فلول رفضت و ترددت باش نمشي نشوف بابا و نتلقاه مورا هدشي كامل لداز عليا بسبابو و لكن من بعد قنعني وقال إلا بغيتنا نتزوجو تشجعي و سير دوي مع باك وقوليه بلي محتاج ورقيك باش تزوجيي .فعلا تشجعت ومشيت عند بابا دخلت عندو هو معرفنيش بابا شرف شعرو بياض قال ليا شكون نتي قلت ليه بنتك مريم كلس وبدء كيبكي وبديت حتى أنا كنبكي 😭جا البوليسي قال ياك لباس قال ليه بابا لا أشاف والو هذه راه بنتي متصوروش فرحتي ملي سمعتو قال بنتي 😰سولني قال ليا شنو كديري فين عايشة قلت ليه كنتلاوح من هنا لهنا بقى ساكت وهو إقول ليا واش أنا ظالم قلت ليه أه نتا ضلمتي راسك وضلمتني معاك بدا كيبكي وقال ليا دافعت على شرفي أبنتي .مهم عاوت ليه كاع لي داز عليا بآختصار وقلت ليه بلي غندزوج وبغيت الحالة المدنية باش نقاد لكارط .قال ليا سيري نها الخميس رجعي عندي باش نصيفطك عند عمك إعطيها ليك ودعتو ومشيت .وبالفعل نهار الخميس مشيت عند بابا قالي سري راه عمك غيعطيك الحالة المدنية وملي تقادي لكارط جي عني علميني نهار شديت لكارط مشيت عند بابا وريتها ليه فرح ليا بزاف وقال ليا سيري تزوجي وطهلاي فراجلك .أنا راه بقات ليا عامين ونخرج وملي بغى إمشي قال ليا متنساينيش عنقتو وبكيت 26عام معنقت بابا واحد الإحساس مكيتوصفش .
الحمد لله تزوجت وتزاد عندي ولد سميتو لقمان بابا خرج من الحبس تزوج واحد السيدة حتى هي كبيرة مات ليها الراجل بابا باع ديك الدار ومشا شرا دار فالحسيمة وآستقر تما أنا فقما كانت شي عطلة كيديني راجلي نشوفو .مصطفى راجلي كان ليه فضل كبير عليا خيرو معمري ننساه .
- [x] بالنسبة لمي خديجة وبا محمد ديما كيزروني حتى هما خيرهم عليا كبييير بزاااااف .إن الله مع الصابرين كلما كتزير غيجي واحد النهار وغدي آتحل خاصك غير التقة في الله
- [ ]